心情11——2011.03.02

我發現，寫喺呢度嘅好多篇blog都係有佢嘅，我真係唔知自己究竟重執著D乜嘢？點解我會變成咁嘅？

    2月28日，經已6天冇同佢聯繫，佢一路都喺貴陽，但係呢一日佢返學校，我知嘅，我一路同自己講，如果過咗呢一日佢都冇同我聯繫，我就打比佢！但係我又覺得對maybell唔住，又同自己講，唔得！都係要忍住，我做得到嘅！！！我之前一路都好擔心，我知佢幾時飛，大概幾時到，好多日之前就喺度計，如果佢到咗未聯繫我，係因為有人接佢，如果晏D都係冇，係因為去要沖凉食飯休息訓覺，我可能會等到第二天~~！！！宜家諗返，真係覺得好恐怖，我點會咁架！！！不過，我預感佢到咗果邊應該會聯繫我嘅，又真係中哦~！佢到咗之後真係打電話過嚟喎，但係我果幾日一路都諗住唔再同佢聯繫吖嘛，咁突然，真係有D措手不及！我唔記得講咗D乜嘢，凈係記得我接咗個電話之後，一路不能控制自己咁笑口盈盈，真係好開心~！但其實，我係開心佢打比我定係我估中咗呢？我真係唔知，呢一次，我覺得自己好奇怪，甚至乎有諗過，就算係錯，我都甘心情願，只要呢段時間開心就好~！哎，真係顛咗！

    不過話是話，呢兩日以嚟，我哋都算聯繫得好緊密了，但係果種感覺我唔識講！之前佢重喺ZY我就覺得佢係中意我嘅，但係佢返咗之後，我哋言語之間真係唔同咗喎，佢一路都強調我哋係好朋友，即係兄弟果只~！佢想點嘖！不過講真，我又唔係想同佢喺返埋一起！我亦都唔知自己想點！原來咁曖昧嘅感覺唔係咁好控制嘅，我真係預計唔到，我哋會發展成點，唔理啦，跟著感覺走吧~！