折磨死人啦

      同大家分享下本人学车过程嘅惨痛经历，如果你又想学车或者已经练紧车。。。不妨睇下下面内容。。。可能对你有帮助。。。起码唔会比教练叼得咁劲。。。。

1、地下有钉啊？放翻只脚落黎啦！
2、你放咁快离合做乜野？！你好赶时间咩？赶时间你就翻去先啦！
3、D方向咁架D方向，你开咩车架你？开到成条蛇咁左右西嘅？！
4、睇你都唔系细粒架，咁怕死做咩啊？备D油去啦！嘿！咁去长途20个钟都未去到啊！
5、行左几公里都未去三档嘅？！进档啦！
6、车速咁慢都唔减档？！都未够人快就想超车？！
7、e条实线黎架！你变咩线啊？考笔试点考架？！
8、边个同你讲喳车可以食野架？！仲食？!香口胶？！香口胶唔系食野啊？！
9、咁大力换挡做咩啊你？撑艇啊你？！撑断支波棍你推车翻去啊你！
10、加咩油啊你？！空档架车识行嘅咩？！
11、挂三档都未够两秒就挂四档？！咁我要三档黎做咩啊？！
12、下次注意？！你考试嘅时候同个考官讲囖，系啊~下次啦你！
13、停车又唔拉手刹！个手刹要黎做咩架？无用就不如拆左距啦！
14、加油走啦！摩托车都超你啦！
15、变道啦！打灯啊！睇镜啊！撞车啦！你开车唔睇镜嘅咩？！你去开飞机啦~飞机就无倒后镜架喇！
16、M:教练，超唔超距好啊？
      C:系要超人车！慢慢开唔得嘅咩你？！
      M:......
      C:想超你咪叫前面让开备你超囖！
      M:- -
      ......
      C:e家超唔超倒啊？跟住人地咁耐都唔识超！
      M:- -|||哦。。。但系我e家睇唔到架大巴前面有无车喔
      C:你唔侧个头去点睇啊？！开出D睇下啦！
      M:- -#
      C:唉~该超嘅唔超，唔该超嘅就要超，无D灵活嘅，咁唔醒目点得架
      M：T_T
17、超你就快D超啦！望住人地做咩啊？！
18、砸线啦！做咩砸住条线行架？虾~！你开车咁霸道嘅？一条道都唔够行行两条道？
19、路口掉头...路口掉头啊！哦！哦咩姐，打灯靠边啦！
20、踩离合做咩加油姐你？！咁你不如挂空档开！
21、喳紧方向盘啦你！80岁阿婆都喳得紧过你啊！
22、仲备油？发动机爆炸喇！进档啦！
23、喂！你咁死火架车好伤架！我教练车无办法咋！如果系人地D靓车？！喝！真系打你两锤都无咁伤啊！
24、叼！咁大个窿都开过去？！你点睇路架？！
25、while（叼到无野好叼==FASLE）{
        加油啦！进档啦！;
        架车无力啦！仲唔减档？！;
      }

其它嘅都唔记得啦~总之就非常无语啦~大家笑完记得唔好犯我同样嘅错啦。。。