今日听番《旧爱仍是最美》，勾起以前既一丝丝回忆...

        好耐未听佛山台赵碧君嘎《旧爱仍是最美》啦，好中意哩个节目啊 ，初中听开到宜家，唔知点解，总有一种好亲切既感觉，每每听起哩个节目，总会勾起自己对过去既好多甜甜既记忆，今日听到碧君讲起当年为咗睇电视，大家隔离邻舍跑到一家有电视既屋企睇电视，呵呵，系啊，自己细个果阵，自己屋企冇电视，我大伯屋企有，隔离几条村既人跑来屋企睇，好似睇电影咁多人，逼到一屋人咁大，仲系14寸既黑白机啊，大家都系为咗追睇香港亚视或者翡翠台D电视，果阵D电视宜家睇来真系好经典嘎，比喻《天蚕变》等等，自己细细个好中意睇哩部剧，仲去学佢首主题曲，好值得回忆啊，宜家大个咗，仿佛失去咗好多既也... 特别系对宜加既音乐已经冇晒感觉...