寻晚真係辛苦啊!可能係十点几嘅时候饮左两包咖啡嘅原因,竟然训唔着,一直到左今日七点几先可以训得着。谂谂个D有失眠证嘅人係几甘辛苦。成日眼光光係度又唔可以训着,个脑不停咁係到轮,惨……不过寻晚都係睇得最多书嘅一晚,成晚睇左成两百几页嘅书,而且越睇越精神添,唔係今朝早仲要同家姐去领事馆嘅原因我都係吾会去训添喽。今晚8点几嘅时候,好似唔眼训咁,点知一上床唔到两分钟就已经训着左。呵呵……宜家好啦,宜家移民嘅事情终于可以告一段落啦。用左唔少钱,仲差D比D无良嘅律师呃左几万蚊添。好彩……冇浪费到D钱。再过一两个月家姐就可能移民美国啦,以后可能都比较少翻嚟啦,爸妈唔舍得,其实我哋都唔舍得者……祝距一路顺风啦,好人终归有好报嘅……