Google既嘢总喺好吸引人,哩个Chrome一出来,就听讲几受欢迎哦,宜家我都来凑下热闹,把Chrome的源代码DOWN落来编译,想好好学习下传说中的让人耳目一新的Google Chrome…
毕竟Chrome喺用微软唧VS2005来开发既,所以编译起来仲喺好方便简单既,下面开始啦,担张凳仔排排坐啦哈
1. 安装Microsoft Visual Studio 2005。Chrome既官方开发网站上话唔支持Visual Studio 2008编译Chrome,本来自己既NB装好VS2008既啦,懒得试就直接再装个VS2005又何妨呢,咁样一来就VS 6.0, VS2005, VS2008都齐嗮啦,废话少讲,继续…
2. 安装VS 2005 SP1,Down下来安装啦,慢慢等佢安装好啦,可以出去逛转街再返来睇睇OK未…
3. 安装最新既Windows SDK,直接DOWN DVD既ISO文件落来装,唔好DOWN Setup.exe来网络安装,否则会折磨死你…,又喺等啊等,等啊等…装好之后要讲SDK整合到VS2005入边,执行:
开始->所有程序->Microsoft Windows SDK V6.1->Visual Studio Registration->Windows SDK Configuration Tool,就应该OK既啦,不过Windows SDK Configuration Tool可能会出现DUMP鬼咗既情况,如果真喺咁既话就可能人品出问题啦,不过唔使担心,打开CMD命令行窗口进入到SDK既安装目录,进入Setup目录,入边有个WindowsSdkVer.exe既程序,比如我既安装目录下既"D:/Program Files/Microsoft SDKs/Windows/v6.1/Setup/WindowsSdkVer.exe",执行下边既命令:WindowsSdkVer.exe -version:v6.1 –legacy ,咁就OK啦。
4. 将Chrome既源代码DOWN落来啦,解压之后有1个几G,好大,不过编译好之后大的更加恐怖,总共4个几G,但喺冇网上啲人吹既10几个G咁犀利,所以唔好人云亦云啊,用VS2005打开SRC目录下Chrome目录下既Chrome.sln解决方案,喺”解决方案管理器器”搵到App目录,右击Chrome_exe,将佢”设为启动项目”。再右击Chrome_exe,选择”属性”,喺属性对话框既左边点击”调试”,对话框右边有个命令行参数,填个目录既路径啦,比如F:/Google/Temp/DebugProfile,一切准备完毕!按F7立即生成解决方案啦!大概两个钟左右,1G多既代码唔算慢也都唔算快,好过我哋公司个项目一编译就喺四五个钟!
5. 编译好啦,欣赏欣赏下啦!散场啦,记得担返凳仔啊…
简单就喺靓啊...
原创文章,转载请注明出处。