【二十四节气之第十四节气,意思是炎热的夏天即将过去,秋天将慢慢走来。夏末之时,你是不是很怀念、很舍不得这个2010年的夏天呢?】打開微博,睇到微博小秘書咁寫到,就喺度諗,係喎,我嘅夏天過完了喎,有啲乜值得我留戀同埋回憶嘅呢?!
呢個夏天最大嘅改變就係,我經已唔再係學生,我諗如果我夠錢,而屋企又冇咁大壓力嘅話,我實會去好多地方旅遊,第一站梗係我嘅HK喇,不過都係得個諗字嘖……呢個summer,我搵到一份工,做文員,雖然話係暫時性嘅,但係講真啦,下一步點做我真係唔知~!假期都有同好多friends出嚟玩,特別係初初,個schedule都full嗮,日日都好開心架~!而家呢,就冇咁忙,有D朋友走咗啦,有D唔知點解就遠咗了喎【我唔要果陣時你要卑我,卑咗我你又挪番,你係唔係玩我啊~!!!】而家諗到呢句話,諗起呢個人都覺得好心痛,真係好想知點解。
對於感情方面呢,我經已冇乜興趣嘅喇,覺得咁樣一個人好好啊~!前幾日,我有去見過佢一面,差唔多一粒鐘啦,對佢真係冇feel。不過唔知係唔係我諗多咗呢,我覺得佢好似鍾意咗我喎,仲約我一起過明年嘅情人節,話“不准咁瘦,不准咁靚,不准搵男朋友”,哈哈,我都費事睬佢,不過好似有D變態,我覺得好開心,因為我唔鍾意佢時佢鍾意番我,我覺得自己好似贏咗咁囖。希望唔係自己會錯意啦。
至於keep fit了喎,仲要加油!!!
其實秋天我係幾鍾意哈嘅,唔知今年會有乜收穫呢?期待ING……