琴日,係我同佢喺埋一起第444日,我好開心。晏晝,啲同事同我慶祝得奬,都幾開心嘅!雖然佢返夜,唔喺我身邊,但係好耐冇傾電話嘅我哋琴晚都算傾咗一陣,我真係好開心噶!我問佢,我成日都咁,會唔會chi得制,佢話'你唔chi我chi邊個嘖',就咁,我就覺得好幸福嘅了!如果佢連咁簡單嘅幸福都俾唔到我,我應點做呢?今日發生件事hurt得我好緊要!咁啱今日我抽鎖匙喺佢度,家姐嘅喺我度。本來諗住還定都一起食飯,應該就唔衝突嘅。但收工果陣家姐打俾我話肚痛想返屋企,問我幾時收得,但係我份工真係話唔埋嘅喎,我諗住佢喺屋企附近嘅網吧打機,於是就叫佢幫手送哈鎖匙返去,我話俾佢知一定要即刻去,家姐個肚好痛,佢有應承我噶,雖然就好唔情願。其實我都好忐忑先打呢個電話噶,我知佢會嫌麻煩嘅,但我真係冇辦法吖嘛,自己又行唔開,如果可以有第D辦法,我真係唔會打俾佢噶。邊個鐘意被拒絕吖?!但係估唔到我都收咗工,佢仲未動身,仲厄我話喺路上,我真係唔明,嗰個乜game重要得過人。我唔明我到底排咗去一個乜位。我真係好傷心