好耐冇過嚟了,並不是冇事發生,而係發生左好多好多嘅事,真係好混亂,不過一直都好忙,無時間記低咁囖……
好喇,入正題啦……
今日嚟呢度寫心情日記,其實係有導火線嘅~~~~
導火索
好早之前呢,好似係國慶節左右度啦,一個【好】朋友曾經同我家姐講過一d說話,然之後家姐同我嗌交果陣時無覺意爆咗出嚟,即係話覺得我變咗,個脾氣變得好怪,爆咗之後又叫我唔好走去問佢喎,我唔記得當其時有無應承到,不過佢會忍唔住走嚟同我講,我點可能忍得住唔去問喎!!!咁其實我都忍咗好耐喇,就喺前幾日,我睇到個朋友喺QQ度上咗線,咁我真係想搞清楚件事吖嘛,我真係覺得我哋係【好】朋友嚟架嘛,咁梗係唔會覺得走去問佢有乜問題咯(有乜問題啊,果段時間我係好怪啊,我認噶,所以我先會問囖,唔通作為一個好朋友,講出我嘅唔好,我走去問佢係怪佢啊?!!!點解會唔知點相處啫,就算呢個係我一廂情願嘅諗法,咁既然講得卑我知,就應該預咗我會問佢啦,{凈係知道問我有冇諗過佢知道你爆咗佢嘅秘密會點諗你,你哋點相處,咁你有冇諗過你講咗之後我又點處理啊,我又點面對佢啊,我點同佢相處啊?!})為咗呢個問題,我哋又喺返屋企嘅路上吵起上嚟,講真喇,件事我真係唔覺得我有錯囖,咁我真係當佢朋友我先咁做吖嘛,我係覺得自己好錯先走去問吖嘛,我點錯,邊度錯,點改啊,會講呢啲嘅先係真正嘅朋友吖嘛,我有乜錯喎!錯就錯在我太認真?真係當佢係果只推心置腹嘅朋友?我記得琴日嘅一段對話係咁嘅【c:你到宜家都唔明嘅,我係覺得我哋係好好嘅朋友我先去問吖嘛,我冇諗過問過呢個問題會點囖!z:你一路都話我唔明白,其實你唔明白就真,佢份人本嚟就係咁嘅,你睇佢同XX見咗面咁friend,其實佢咪好討厭佢,你都出嚟做咗嘢咁耐,點解重係咁天真?!!c:佢係XX喎,又唔係我喺出邊識果d人,我真係以為假期經歷咗咁多,大家真係好朋友囖……】講真吖,我真係咁諗架,我點知嘖!係喇,就算係我蠢,咁又點喎,呢個時候唔係應該安慰我,或者卑我自己靜下咩,結果我得到嘅卻係一句【咁你重想點嘛?重想受乜打擊啊?】我真係唔明囖,係,你覺得我未處理好,但係喺呢個時候喎,我知道咗咁嘅現實果一刻,有冇諗過我嘅感受呢,即係我唔需要安慰,我可以自我反省,但係都唔駛伸多腳吖……也許你未意識到自己做咗乜,但係確實有hurt到我,琴晚哭咗好耐,唔係因為無人明白我,安慰我,或者係同邊個嗌交,呢啲都不足以讓我喊,我落淚凈係覺得自己好傻,好翁居,其實呢個世界有乜係真呢?做乜咁care人哋點諗你喎?邊有人見到人對你好D就當正人哋係忘年之交架!!!做好自己覺得應該做嘅咪的囖,做乜諗咁多喎……件事對我嚟講,我嘅情緒根本就唔係嬲,宜家其實好平靜嘅。不過我諗家姐唔係咁諗掛,佢可能覺得我變咗,覺得我唔識為佢設想(係,我份人幾自私,但係捫心啦,我真係未諗過XX會覺得我問咗佢之後我哋唔知點相處囖),亦可能覺得我嬲咗覺得我好小氣,可能……我唔知啊,有太多太多可能,但係我一點都唔想解釋,明我嘅人唔需要我嘅解釋而唔明我嘅都唔會接受我嘅解釋,所以呢種行為真係好多餘囖~!佢成日都喺度轉牛角尖,覺得我應該明佢嘅,覺得我應該知佢點諗嘅,我唔明果陣佢會好盟咯,我真係唔知自己邊度做錯,唔明你幾咁閑嘖,我喺邊你都一樣啊,我點知你幾時會變成點嘖,我點可能知道你每一個細微嘅想法喎,我都唔係你,你自己都未必知喇,點解重要要求人喎~!你咪一樣唔明我,大家都在變吖嘛,好閑啫,做乜要發我脾氣喎!!!我真係唔識處理呢段關係咯~!
呢個導火索嘅導火索重攪笑喎,係因為我講咗人哋同我講嘅一個秘密卑家姐知,結果佢係知嘅,但係佢就問我邊個講卑我知嘅,咁我梗係唔會講喇,不管這個秘密係唔係經已眾所周知我都無可能同人講邊個爆呢個秘密卑我知架,而且佢知道都無意義嘅,做乜要逼我喎,咁佢就講返呢件事喇~!講真喇,我心內面有句說話都未講過,驚hurt到佢【我真係認為人哋唔希望你講,你就唔應該講卑我知囖,你無覺意爆咗出嚟唔代表我都要爆人哋嘅秘密卑你知算大和吖嘛~!】我真係唔知點處理呢段關係……
········件事就係咁嘅喇………………
不過諗返早排都發生左好多事,大事就兩件度啦,不過都唔關我事嘅,我只不過係一個不太清醒的旁觀者……
事件一
我有個好朋友,呢個就係真正嘅交心嘅嗰只啦,佢亦都有個好好嘅男朋友,一路以嚟,佢哋都好相愛嘅,不過都算係幾經波折啦,還定就係好似啲電視劇劇情喇,譬如話,兩個人好鍾意對方,男的英俊帥氣,家境不俗,女的也貌美如花,家境更係好,不過問題就出在太好了,以致于她屋企人覺得佢應該又更好嘅伴侶,更好嘅未來,更幸福,所以對於呢短情比較反對咁囖,期間兩個也會有唔知點做想放棄嘅時候,但係最後都過去了。早排,大概10月底喇,男主角突然打電話卑我喎,好受寵若驚(因為我份人喺高中嘅時候哩超級鍾意籃球,有好花癡喎,所以就特別鍾意喺球場睇靚仔,佢就係其中一個喇,一路以嚟我都好鍾意佢架,不過僅限欣賞嗰只啫~!),結果佢又卑咗個surprise卑我,佢哋分咗手!!!問咗原因之後我又喺度同佢分析,佢話佢知自己好對唔住她,本嚟都想放開手,但係真係好掛住佢,想知佢過得點,佢話她唔想佢再去打擾她,所以就只有通過我。。。后尾又係一個驚天大秘密,原來在佢哋分開呢段時間,佢真係放棄咗,佢諗過求其搵個人結婚算擺喇,而且無單係諗,宜家有個女仔,家世幾好,又好鍾意佢,家裡面又對佢發起猛攻,佢哋又喺埋一齊,呢件事我真係好好好好好吃驚囖~!但係佢話佢唔鍾意果個女仔,佢凈係愛她一個嘅咋。后尾我有幫助佢,講佢知她的近況,冇幾耐佢哋好番,不過係因為老佛爺出馬(btw,男主角屋企人好鍾意她),佢話連佢自己都未諗到可以咁快就喺番埋一齊,我千叮萬囑叫佢要處理好件事,重有以後要對我friend好啲,冇再放棄,冇唔信佢啦!!!佢都一一答應,但係,講真,我唔知我咁做係啱定錯,我好驚,萬一,萬一我錯咗,就害咗我嘅friend喎,我唔想睇到佢傷心難過啊,咁佢哋宜家又都鍾意大家喎,我應該點做呢?件事我肯定我應該講,佢應該知,但唔應該由我講囖,咁我應該點處理呢?又係一件唔知點處理嘅事……
呢個人哩,以前喺我心目中真係近乎完美架,様靚唔再講喇,家世唔錯,人有超好,體貼細心還很善良,但係呢件事之後,我依然認為佢係一個好人,不過對於愛情就…………
·······以後點,我諗,嗰天一早就安排好嗮~~~~~
事件二
呢件事我唔知可唔可以寫出嚟,雖然喺呢度冇人識我,我可以盡情發揮,但係又驚喎,萬一有緣得制撞番個老友,咁咪死梗?!!
我知道呢件事可以話相當之偶然喇,喺食飯嘅時候,我無覺意就估中嗮,雖然話係我估到嘅啫,但系果種驚訝嘅心情,我諗我從未試過囖。又係早排,知道咗我有個friend失戀,情況十分之複雜混亂,又係himizi喎,都係唔講出嚟嘅好~!雖然件事本身都係重點嚟嘅,不過之餘我,還有另一個重點,亦都係同事件一中嘅男主角一樣,係我花癡咗7年嘅人~!又係同嗰個男仔一樣,超靚仔,超型,家世重好,有品味,非常之長情專一(以前認為),深入接觸后就知佢份人超善良(佢朋友話嘅)!!!喺我心目中,真係好完美架,呢種人我奢望可以屬於我,但係,卑我知道重有咁嘅人存在,幾咁欣慰,幾咁幸福!!!不過發生咗呢件事,我唔知我點睇佢,我同佢本來就唔熟,我熟佢啫,佢幾乎唔識我咁咯~!7年前,佢同我講過6個字,我記到宜家(係高一果年,我參加一千五百米長跑,佢坐喺角落度,我跑過時,佢喺度講“加油哈,3號兒”,后尾我睇番自己number先知佢同我講喎,勁開心!!),我諗我依然會覺得佢係一個好人,如果有咁嘅朋友會好好,但係我諗我唔再認為呢個世上會有好似蕭峰咁樣對待愛情嘅人囖~!
其實所有發生過嘅事都令到我好亂,我真係唔知跟住落去要點樣做人!!!我一路一路同自己講,我要做番以前嗰個陽光開心,善解人意嘅我,但係,邊有咁易啊,每個人都喺不斷改變梗,我又點可能返得去呢?!【過去,係只可以回憶懷念但永遠都返唔去嘅時刻】