都有一年幾未嚟衣度了喎,發生咗嘅變化又係翻天覆地嘅!!!(突然間發現,我好似唔多識講粵語lu)
【事業】
舊年6月,一個偶然嘅機會,我考入咗BC。屋企人都好噔我開心,特別係媽咪!!!(不過我屬於勞務派遣,而且重要去仁懷tim,自己就唔多想入啦)一開始都幾好,我就話我不嬲都好lucky嘅,最初實習就留喺營業部,我真係學到好多嘢。果段時間都幾開心嘅,離屋企又進,D同事都好好,特別係我師傅,而且個個都贊我醒目,份工都算係穩定啦。不過,9月底,仁懷開業,就調去果度,果段日子真係好難捱。我番嚟係一心想留喺遵義吖嘛,果陣,坐車去又遠,路又爛,每一次都好辛苦,但係我都有堅持差唔多每週都番嚟,可能我真係唔敵寂寞啩!今年5月,足知都番嚟啦,不過借調嘖,唔知幾時會再返番去,人工又咁奀,如果真係要番,可能唯有辭職lu!!!
【愛情】
最大嘅變化呢,就係,哎,我嘅感情問題重同邊個有關呢,咪就係佢囖,我唔再做貴族,結束咗單身,同佢喺番埋一齊lu。舊年9月嘅事,如今都就嚟一年了。呢一年真係有好多好多嘅事發生。原來兩個人喺埋一齊真係咁唔易嘅!!!可能以前喺度寫blog嘅我知道咗呢個消息會開心到顛啦,但係,真係百感交集噶。。。
我哋喺一齊唔夠半年發生咗一件大事喎,我哋拉咗嘢,衣件事係我咁大個女以嚟從未諗到過嘅,亦都係呢世人最最後悔嘅一件事,折墮!!!
今日之所以咁有感觸咁坐喺度寫呢一篇blog,係因為咁長時間以嚟,我嘅謎題足知都揭開了,好似突然醒咗咁!我認錯先拉,今日偷睇咗佢嘅聊天記錄,真係非常之冇品,但係困擾住我3年嘅問題嘅答案擺喺我面前喎,我點抗拒呢,但都係非常之sorry囖!!!其實我以為我呢世都唔會知嘅啦,我一路想知道佢以前果D時候係唔係中意我噶,就算我問咗佢,佢答我都係笑哈笑哈話冇,我都唔信。今日睇咗之後我知了,係真嘅,佢冇厄我!睇咗之後,我先知,原來佢都會咁樣講嘢,原來佢都會咁樣氹人嘅,原來佢中意一個人係咁樣嘅!佢中意佢咁耐,一路都咁中意,各種地點各種回憶,原來我以前想知嘅每一個問題嘅答案都係佢!!!其實睇住佢哋嘅聊天記錄,我都好感動,好希望故事嘅女主角係我!!!道理其實我明啊,邊個冇過去噶,每一個人心目中都會有那麼一個人,有那麼一個位置 ,只不過唔一定就係身邊果個嘖嘛!!!一路以嚟想知嘅問題足知有咗答案,但我係咁難受。佢話佢去咗某一da地方,都唔敢行落去,去想起果個天真可愛嘅她!佢話“今日我好感動,有一個朋友,一路都keep住我send卑她啲SMS”“不過,佢只係一個朋友,我分得清感動同感情”可悲嘅係,果個朋友咪係我囖,我重一路都覺得佢實係中意我嘅,原嚟一切都只不過係自作多情!!!佢話“今日睇咗《將愛》,一出場就放‘好久不見’,我就想起你咯”但係佢係同我一起睇嘅!唔知點形容呢分鐘嘅心情,我凈係知道我從嚟未睇到過咁樣一個他!佢同我一起都係忽冷忽熱嘅,我唔知理解得對唔對,我覺得佢自己都搖擺不定!所以我哋成日都嗌交,我覺得佢卑唔到安全感我,其實安全感係乜呢,我自己都唔知!我有問過佢,到底有幾中意我,佢話唔通我唔識得睇乜,佢做過D乜嘢!其實有時候佢做嘅嘢會讓我覺得佢係中意我嘅,但係唔夠堅定囖!原來佢中意咗她咁耐噶,一路都未放棄!可能佢係中意我嘅,只不過我唔係果一位囖!講到一度好似要分手咁嘅!至少宜家唔會嘅!呢段感情由開始之日起,我就同自己講過,冇輕言放棄,要識得珍惜!
唔知點解,呢件事發生之後,好似突然醒咗咁嘅。突然發覺之前嘅自己都唔係自己,都唔知幾時迷失嘅~~!所以,我決定,由今日開始,要做番果一個開朗善良、善解人意嘅【向日葵女孩】!!!加油,CC,你得嘅!!!